मारुती राया...

 

तुला जन्मोत्सवाच्या खूप खूप शुभेच्छा...

मी इतकी मोठी नाही रे..

तुला शुभेच्छा देण्याइतकी..

तूच तर सांभाळतोस चराचराला..

तूच दिलेले तुला देतांना..

आनंद होतो बरं... 

जे मला मिळाले आहे ते कोणीतरी

दिलेलेच आहे न...म्हणून मी माझे

माझे करू का? हा देह सुद्धा मला

उसना मिळालेला आहे...माझे विचार..

माझी बुद्धी सगळेच परमात्म्याचे..

माझा फक्त अहंकार आहे...तो तू घे..

मी तू पण सरू दे माझे म्हणजे मला..

तुझ्या चरणी स्थिरावता येईल...

श्रीगुरुच्या कृपेने....

यासाठीच तुला शुभेच्छा देते आहे..

माझा अहंकार घे तू अन् मला स्वरूपाची

ओळख करून दे...

यापरिस काय मागू तुझ्याकडे...

रसिका राजीव हिंगे