कशी कुठून ग चालत येई पायवाट
तुझ्या नि माझ्या आयुष्याची वहिवाट
चहूकडे गे हिरवळ सुंदर
खाचखळगे मधेच धूसर
अहाहा कसा बघ हिचा साजरा घाट
तुझ्या नि माझ्या आयुष्याची वहिवाट
वळणावरती जरा विसावू
सुखदुःखाचे सूर आळवू
मल्हारासी गाता गवसे नवा थाट
तुझ्या नि माझ्या आयुष्याची वहिवाट
घर कौलारू शिवार हिरवे
सृष्टीचे हे ऋण स्मरावे
आनंदाने पेरत जाऊ सुखे दाट
तुझ्या नि माझ्या आयुष्याची वहिवाट
कशी कुठून ग चालत येई पायवाट
तुझ्या नि माझ्या आयुष्याची वहिवाट
©®रसिका राजीव हिंगे
No comments:
Post a Comment