सोनसळी कातरवेळी
दूर दूर कुठे क्षितिजावर
दिसे मोरपीस प्रीतीचे
माझी आठवण आल्यावर
कालिंदीच्या तीरावरी
राधेच्या गंधित कुंतली
माळतांना सुगंधित फुले
रानवाट ही गंधाळली
अभिसारिका भासे नवथर
माझी आठवण आल्यावर
चांदणफुले होती बरसत
नवी स्वप्ने नवा उन्मेष
येता नभांगणी शशीनाथ
उधळला चौफेर प्रकाश
आठवे सुख हिंदोळ्यावर
माझी आठवण आल्यावर
विसरूनिया हेवेदावे
रंगला होता डाव छान
इंद्रधनू सम सौंदर्याची
सप्तसुरांची सजे रुणझुण
असेच भास होती क्षणभर
माझी आठवण आल्यावर
सोनसळी कातरवेळी
दूर दूर कुठे क्षितिजावर
दिसे मोरपीस प्रीतीचे
माझी आठवण आल्यावर
©️रसिका राजीव हिंगे
No comments:
Post a Comment