चल खेळू या होळी

 #rasraj#holi#krushna

आला आला ग  कान्हा आला ग गोकुळी

चल चल ग सखे  चल खेळू या होळी

बघ तो नटवर गिरिधारी
रंगात रंगला कृष्ण मुरारी
हाती घेऊनी पिचकारी
मनभावन हा खेळी याची वेगळी
चल चल ग सखे  चल खेळू या होळी

वाट अडवितो नंदांचा नंदन
खोड्या करुनी पाहतो वदन
गोपांचा सखा राधेचा रमण
परी चाले मुजोरी याची सगळी
चल चल ग सखे  चल खेळू या होळी

कान्हा कान्हा जपता जपता
रंगात राधा रंगा पुजता
दिसे सावळा श्री सभोवता
अवघा रंग एक झाला किमया आगळी
चल चल ग सखे  चल खेळू या होळी

रसिका राजीव हिंगे
06.03.2023