थांग पत्ता मनाचा
कोणी सांगेल मला
प्रासाद की महाल
विचारू कोणाला
एका क्षणी जवळ
दुसऱ्या क्षणी दिसेना
शोधून थकले परी
काही केल्या आकळेना
उंडारे इथे तिथे
क्षणभर ना विसावा
स्थिर करू म्हणते
सापडेना ठावा
रानोमाळ फिरले
कडेकपारी धुंडले
कुठे आहे मना तू
हृदयात ही हुडकले
कसे आवरू तुला
थांग लागत नाही
कसे लगाम खेचू
तू काही भेटत नाही
रसिका राजीव हिंगे
15.02.2023
.jpeg)
No comments:
Post a Comment