अक्षरांच्या बाजारात
शब्दांसाठी होती बोली
कुणी न ये घ्यावयास
शब्द परडी चिंतावली
माझा ज्ञानियांचा राजा
कुठे गेलास रे तुका
जनाबाई ये ग माये
शब्द विनवितो तुका
मांदियाळी संतांची ही
शब्द गोंजारत होती
भाव अंतरीचे येती
होई साहित्य निर्मिती
अरे कशी किमया ही
झाली अचानक झाली
जणू नभीची नक्षत्रे
बाजारात प्रवेशली
अभिरुची कलासक्त
साहित्याचे प्रेमी सारे
शब्दांना उचलून घेती
सारेच शब्दांचे भारे
गहिवरे शब्द मनी
पापणकाठ ओलावले
आनंदाने जुळून आले
पुन्हा साहित्य निर्मिले
रसिका राजीव हिंगे
No comments:
Post a Comment