दीपावली

मनसागरातील आनंद तरंग
दिसे रंगारंग , सभोताल।
आली दीपावली करू स्वागतास
दिव्यांची आरास , चहूकडे।
सजवावे घर, ऐसे वाटे मना
रंगावली नाना, अंगणात।
परी हा पाऊस अभिषेक धार
धरी धरेवर,  अखंडित।
वरुण करितो आवर्तने किती
भिजली धरती , चिंबचिंब।
थांबव हा चाळा पर्जन्य राजा रे
दिवाळी आली रे, घरोघरी।
येतील घरासी  पाखरे दुरून
घे रे सांभाळून, वाटेवरी।
माहेरासी सुखे नववधू येति
भ्रतारा संगती, आनंदाने।
म्हणुनी विनंती  सकल करिती
आता घे विश्रांती, क्षणभर।