आनंदाचं झाड माझ्या
लावायचे आहे दारी
कसे असेल हे झाड
आले विचार अंतरी
उंच उंच वाढावे हे
पाने ही सहवासाची
फुले नात्यांची सुंदर
गंधाळल्या संवादाची
खत पाणी प्रेमभरे
द्यावे त्यास आदराचे
जमिनीत मुळे घट्ट
रोवतील विश्वासाचे
फवारणी मित्रत्वाची
करतांना गोंजारावे
असूयेची कीड खाली
पडताही आंजारावे
ऐसे झाड आनंदाचे
बहरावे दारोदारी
चराचर सुखावेल
आनंदवन भूवरी
रसिका
No comments:
Post a Comment