शब्द

शब्द  असावेत  असे
जणू समुद्राची  गाज
मनास शांत वाटावे
पाहुनी  शब्दांचा  साज

शब्दांनी घ्यावी सागराची गंभीरता
तर कधी व्हावे प्रशांत
कधी वाऱ्यासम उधळावेत
तर कधी झुळकेसम शांत

शब्दांनी घ्यावी नभाची विशालता
तर कधी व्हावी छाया
शब्द शब्दच असावेत ग
मनापासून करण्यास माया

शब्दांवाचून कळते सारे
शब्दांच्या पलीकडले
नयनातून चाहूल घेत
जाणवे सगळे अंतर्मनातले

प्रेमाची भाषा फक्त
नजरेलाच कळते
शब्दांची गरजच काय ग
जेव्हा नजरेला नजर मिळते