चित्रकाव्य

 

तव पदी दे आश्रय

तुज शरण गौतमा

पुन्हा यावेस तू जन्मा

विनवितो परमात्मा

झालो व्याकुळ जीवनी

नच शांती लाभे जीवा

शांतिरुपा परमेशा

मार्ग दावी मज देवा

विष्णुरुप तू भूवरी

सिद्ध करी रे सिद्धार्थ

आठवे अवतारी होता

तैसा असे रे मी पार्थ

रामराय चित्ती आहे

दूत होऊनि आलो रे

प्रेमभाव अंतस्थ हा

तुज भेटाया आलो रे

तुज न्याहाळता  भासे

भार्गव तू परशुधारी

होऊ दे रणकंदन

अहंकाराचे या भूवरी

बटुरुप वामनाचे

धरेवरी पुन्हा तू घे

सारी अराजकता ही

त्रिपदात व्यापून घे

शांतिस्वरूपा गौतमा

तुज कळे सारे सारे

तव द्वय चरणांशी

म्हणूनिया आलो रे

रसिका राजीव हिंगे